კისინჯერი: დღეს აზროვნებასა და რეფლექსიურ მედიას არ აქვს სტიმული

აშშ-ის ყოფილი სახელმწიფო მდივანი ჰენრი კისინჯერი The Economist-თან ინტერვიუში მედიას აკრიტიკებს და აცხადებს , რომ დღეს  აზროვნებასა და რეფლექსიურ მედიას არ აქვს სტიმული, ისინი არ იღებენ ჯილდოს აზროვნების პროცესისთვის და ეს სერიოზული პრობლემაა.

ამონარიდი სტატიიდან: 

ეკონომისტი: რამდენად რთულია დღევანდელი მედიის, დღის საინფორმაციო სურათისა და სოციალური ქსელების ამერიკული პოლიტიკის ფორმირების პროცესი?

ჰენრი კისინჯერი: ჩემი თემაა წონასწორობისა და ზომიერების საჭიროება. ეს უნდა ამაღლდეს კანონის ხარისხში. ეს არის მიზანი. ყოველთვის მივაღწევთ ამაში წარმატებას? ეს სხვა საკითხია.

ვაშინგტონში ჩასვლამდე ცხოვრებაში პრესკონფერენცია არ გამიკეთებია და ეს ყველაფერი უნდა მესწავლა. მედია მაშინ ძალიან მტრულად იყო განწყობილი ნიქსონის მიმართ. მაგრამ მთავარ ბეჭდურ მედიაში მხოლოდ 15-20 ადამიანი იყო, ვინც ეროვნულ ერთიანობაზე ფიქრობდა და ისინი ყოველთვის არ მეთანხმებოდნენ.

მაგრამ მაშინ შესაძლებელი იყო მათთან დიალოგი ვიეტნამის შესახებ. თან ყოველთვის 15-მდე ჟურნალისტი მიმყავდა. მათ ყოველდღიურად ვნახულობდი დაახლოებით ერთი საათის განმავლობაში.

მე იშვიათად ვპასუხობდი ძალიან კონკრეტულ კითხვებს, მაგრამ ეს გასაგები იყო. და ამ ხალხმა გამაგიჟა. მაგალითად, მათ თქვეს ისეთი რამ, რამაც არაბების პროვოცირება გამოიწვია [შატლ დიპლომატიის დროს] და ამან კიდევ უფრო გაართულა მოლაპარაკება ისრაელებთან.

მაგრამ ეს თამაშის განუყოფელი ნაწილია და ისინი არ იყვნენ უსამართლონი. ადამიანები, როგორიცაა სკოტი რესტონი, რომელიც გამუდმებით აკრიტიკებდა ნიქსონს და უოლტერ ლიპმანს, შეგეძლო მათთან დიალოგი გქონოდა. დღეს ასეთ ადამიანებს თითქმის არ არიან.

აზროვნებასა და რეფლექსიურ მედიას არ აქვს სტიმული, ისინი არ იღებენ ჯილდოს აზროვნების პროცესისთვის. ვფიქრობ, ეს სერიოზული პრობლემაა,”– აცხადებს კისინჯერი.