ნეთანიაჰუმ ღაზას სექტორზე ძლიერი დარტყმების განკარგულება გასცა

ისრაელის პრემიერ-მინისტრმა ბენიამინ ნეთანიაჰუმ, სამხედროებთან კონსულტაციების შემდეგ, ღაზას სექტორზე ძლიერი დარტყმების განხორციელების ბრძანება გასცა, იტყობინება მისი ოფისი.

• „უსაფრთხოების საკითხებზე კონსულტაციების დასრულების შემდეგ, პრემიერ-მინისტრმა ნეთანიაჰუმ სამხედრო ხელმძღვანელობას დაავალა დაუყოვნებლივ დაეწყოთ ძლიერი დარტყმები ღაზას სექტორზე“, – ნათქვამია განცხადებაში.

თავის მხრივ, ჰამასის სამხედრო ფრთამ განაცხადა, რომ ისრაელის მიერ ცეცხლის შეწყვეტის შეთანხმების დარღვევის გამო, მძევლის ცხედრის გადაცემას გადადებდა .

ნეთანიაჰუს ოფისმა დღეს პალესტინური მოძრაობა „ჰამასი“ ღაზას სექტორში ცეცხლის შეწყვეტის შეთანხმების დარღვევაში დაადანაშაულა მას შემდეგ, რაც გაირკვა, რომ ჯგუფმა თელ-ავივში დააბრუნა მძევლის ნეშტი, რომლის ცხედარიც ისრაელის ძალებმა თითქმის ორი წლის წინ აიყვანეს, ანკლავში ჯერ კიდევ მყოფი მძევლების ცხედრების დაბრუნების ნაცვლად.
ისრაელის „გალეი ცაჰალის“ არმიის რადიომ გაავრცელა ინფორმაცია სამხრეთ ღაზაში, რაფაჰში , ჰამასზე საარტილერიო დარტყმის შესახებ. გავრცელებული ინფორმაციით, ეს პალესტინელი მებრძოლების მიერ ისრაელის ჯარების წინააღმდეგ ცეცხლის გახსნის საპასუხოდ მოხდა.
თელ-ავივსა და პალესტინურ მოძრაობას შორის ცეცხლის შეწყვეტის შესახებ შეთანხმება 10 ოქტომბერს შევიდა ძალაში.
ამ შეთანხმების ფარგლებში, ჰამასმა გაათავისუფლა 20 მძევალი, რომლებიც ღაზაში 2023 წლის 7 ოქტომბრიდან იყვნენ დაკავებული, რითაც ყველა დარჩენილი მძევალი გადასცა.

პალესტინის პატიმრების მედიის ოფისმა დაადასტურა, რომ ისრაელმა, შეთანხმების შესაბამისად, გაათავისუფლა 1718 ღაზას პატიმარი, რომლებიც ანკლავში დაბრუნდნენ და 250 პალესტინელი პატიმარი, რომლებიც სამუდამო ან გრძელვადიან პატიმრობას იხდიან.
ჰამასი ამჟამად ისრაელს ტყვეობაში დაღუპული მძევლების ნეშტებს უბრუნებს. შეთანხმების თანახმად, პალესტინური მხარე ვალდებულია თელ-ავივს გადასცეს დარჩენილი 28 ცხედარი, თუმცა ჯერჯერობით მხოლოდ 15 მძევლის ცხედარია დაბრუნებული და იდენტიფიცირებული.