Strana.ua:  უკრაინელი ემიგრანტების  70% სამშობლოში არ დაბრუნდება

უკრაინელი ემიგრანტების  70% საომარი მოქმედებების დასრულების შემდეგაც სამშობლოში  არ დაბრუნდება. ამის შესახებ უკრაინის  ეროვნული ერთიანობის მინისტრმა ალექსეი ჩერნიშოვმა განაცხადა, წერს გამოცემა Strana.ua.

მას შემდეგ, რაც უკრაინა უსაფრთხო გახდება, სამშობლოში  დაბრუნებას  მხოლოდ 30% გეგმავს, აღნიშნა მან.

გერმანიის  კანცლერმა ოლაფ შოლცმა ბუნდესტაგში სიტყვით გამოსვლისას  უკრაინის მოქალაქეებს მოუწოდა უფრო აქტიურად ეძიონ სამუშაო გერმანიაში, წინააღმდეგ შემთხვევაში ისინი სამშობლოში უნდა დაბრუნდნენ.

გამოცემა Strana.ua-ს ცნობით,  2051 წლისთვის უკრაინის მოსახლეობა კონფლიქტამდე  არსებული 42 მილიონი ადამიანიდან 25,2 მილიონამდე შემცირდება. გამოცემის ცნობით, უკრაინის მიერ დღეს კონტროლირებადი ტერიტორიის მოსახლეობა 31,1 მილიონია.