დიდი ბრიტანეთის ელჩი: ვწუხვარ! ტრამპს რომ  „რასისტს“, „ნაციონალისტს“ ვეძახდი, იყო უსაფუძვლო

შეერთებულ შტატებში  დიდი ბრიტანეთის ახალი ელჩის განცხადებით,  2019 წელს ტრამპზე მისი თავდასხმები , რა დროსაც მან ტრამპს    “საშიშროება მსოფლიოსთვის”, ” თეთრი ნაციონალისტი და რასისტი” უწოდა, იყო “უსაფუძვლო”.

„ვფიქრობ, ჩემი კომენტარები პრეზიდენტ ტრამპის შესახებ უსაფუძვლო და მცდარი იყო და ვფიქრობ, რომ მას შემდეგ შეიცვალა დრო და დამოკიდებულება პრეზიდენტის მიმართ, ბრიტანეთის პოლიტიკა იყო “უკიდურესად დაძაბული” და სავსე “მაღალი ემოციებით“, განუცხადა მანდელსონმა Fox News-ს .

მანდელსონი, რომლის დანიშვნა ჯერ კიდევ საბოლოო დადასტურებას ექვემდებარება, იქნება პირველი არაკარიერული დიპლომატი, რომელიც თანამდებობას დაიკავებს და ჩაანაცვლებს კარენ პირსს.

მანდელსონის დანიშვნის შესახებ ამბებმა თავდაპირველად კრიტიკა გამოიწვია ტრამპის წრეებში, ტრამპის მოკავშირემ კრის ლასივიტამ მას “აბსოლუტური იდიოტი” უწოდა.

მანდელსონი გამოცდილი პოლიტიკოსია, რომელიც დაეხმარა ბრიტანეთის მემარცხენე ცენტრის ლეიბორისტული პარტიის რეორგანიზაციას 1990-იან წლებში, როდესაც იგი დაბრუნდა ხელისუფლებაში ხანგრძლივი უმოქმედობის შემდეგ.

• „ვფიქრობ, ამერიკის მოკავშირეებს უნდა ესმოდეთ მისი  [ტრამპის] ხასიათი,  ძალა და მანდატი. ეს ნიშნავს, რომ ყველაფერი სხვაგვარად იქნება. ჩვენ უნდა ვიფიქროთ იმაზე, თუ რას ნიშნავს ეს მანდატი, იმის ნაცვლად, რომ მუდმივად ვიფიქროთ და ვიწუწუნოთ ამაზე, მივიღოთ მშვიდი და გონივრული მიდგომა და დავინახოთ ეს, როგორც შესაძლებლობა, ხელახლა ჩაერთონ შეერთებულ შტატებთან ენერგიის, დინამიზმისა და განახლებული გრძნობით“- განაცხადა მანდელსონმა.

   მანდელსონმა ასევე მოუწოდა მოკავშირეებს, მათ შორის ტრამპს, არ გადასცენ რუსეთს, ჩინეთს და ირანს ” გამარჯვება ხონჩით , უკრაინის მიმართ საკუთარი გადაწყვეტილების შესუსტებით და გააფრთხილა ტრამპი, რომ მას მოუწევს განიხილოს ნებისმიერი ტარიფის “შედეგები”.

  მანდელსონმა Brexit-ის ხმამაღალი კრიტიკოსია, ის  2000-იან წლებში ოთხი წლის განმავლობაში მსახურობდა ევროპული სავაჭრო კომისრის თანამდებობაზე და აქვს ადგილი ლორდთა, ბრიტანეთის პარლამენტის ზედა პალატაში.

ის ასევე არის  გავლენიანი ლობისტური ფირმა Global Counsel   მფლობელი.

ამ კვირაში გავრცელდა ინფორმაცია, რომ ჩინეთთან საპარლამენტთაშორისო ალიანსმა, გლობალური კანონმდებლების კოალიციამ, რომლის წევრებშიც შედის ტრამპის სახელმწიფო მდივანი მარკო რუბიო, აშშ-ს ხელისუფლებას გადასცა  დოკუმენტი, რომელიც შეიცავს ინფორმაციას მანდელსონის საქმიანობის შესახებ, რომელიც ხელს უწყობს ჩინეთთან უფრო მჭიდრო ჩართულობას. მათ შორის თანამშრომლობას  Global Counsel-თან.