გერმანია მალე აღორძინდება, ამისათვის მას მხოლოდ 15-20 წელი დასჭირდება

თეირანის კონფერენცია

1943 წლის 28 ნოემბერი – 1 დეკემბერი

ი.ბ. სტალინის და  რუზველტის  საუბრის ჩანაწერი

1943 წლის 29 ნოემბერს 14:00 საათზე. 30 წთ.

ამონარიდი

სტალინი ამბობს, რომ გუშინდელი ვახშმის დროს, როდესაც რუზველტი უკვე წავიდა, მას სამომავლო მშვიდობის შენარჩუნებაზე ჩერჩილი ესაუბრა.

 უნდა ითქვას, რომ ჩერჩილი ამ საკითხს ძალიან მსუბუქად უყურებს. მას მიაჩნია, რომ გერმანია მალე ვერ აღსდგება. სტალინი ამბობს, რომ არ ეთანხმება ამას. მას მიაჩნია, რომ გერმანია მალე აღორძინდება.  ამისათვის მას მხოლოდ 15-20 წელი დასჭირდება.

თუ გერმანია უკონტროლოდ დარჩება, სტალინი შიშობს, რომ გერმანიას ვერაფერი შეაკავებს.  ამის მისაღწევად გერმანიას რამდენიმე წელი დასჭირდება.

გერმანიის მიერ 1970 წელს დაწყებული პირველი დიდი ომი 1971 წელს დასრულდა. ამ ომიდან სულ რაღაც 42 წლის შემდეგ, ანუ 1914 წელს გერმანიამ დაიწყო ახალი ომი, ხოლო 21 წლის შემდეგ, ანუ 1939 წელს გერმანიამ კვლავ დაიწყო ომი.

როგორც ხედავთ, გერმანიის აღდგენისთვის საჭირო დრო მცირდება. ცხადია, მომავალშიც კლება გაგრძელდება.

რა შეზღუდვებიც არ უნდა დავაწესოთ გერმანიას, გერმანელებს ექნებათ მათი გვერდის ავლის უნარი. თუ თვითმფრინავების მშენებლობას ავკრძალავთ, მაშინ ვერ დავხურავთ ავეჯის ქარხნებს და ცნობილია, რომ ავეჯის ქარხნები შეიძლება სწრაფად გადაკეთდეს თვითმფრინავების წარმოებაზე.

თუ ჩვენ ავუკრძალავთ გერმანიას ჭურვებისა და ტორპედოების წარმოებას, ჩვენ ვერ დავხურავთ მის საათების ქარხნებს და ყოველი საათის ქარხანა შეიძლება სწრაფად გადაკეთდეს ჭურვებისა და ტორპედოების ყველაზე მნიშვნელოვანი ნაწილების დასამზადებლად.

ამიტომ გერმანიას შეუძლია კვლავ გამოჯანმრთელდეს და განაგრძოს  აგრესია. ორგანოები, რომელთა შექმნაც იგეგმება, (იგულისმება გაერო) არ იქნება საკმარისი აგრესიის თავიდან ასაცილებლად.

აუცილებელია ყველაზე მნიშვნელოვანი სტრატეგიული პუნქტების დაკავება, რათა გერმანიამ ვერ დაიპყროს ისინი. ასეთი პუნქტები უნდა დაიკავოს არა მარტო ევროპაში, არამედ შორეულ აღმოსავლეთშიც, რათა იაპონიამ არ დაიწყოს ახალი აგრესია.

  ამ ორგანოს, რომელიც შეიქმნება, უნდა ჰქონდეს უფლება დაიკავოს სტრატეგიულად მნიშვნელოვანი პუნქტები. გერმანიის ან იაპონიის მხრიდან აგრესიის საფრთხის შემთხვევაში, ეს პუნქტები დაუყოვნებლივ უნდა დაიკავონ, რათა ალყა შემოარტყონ გერმანიასა და იაპონიას და ჩახშონ ისინი.

 კარგი იქნება , რომ ორგანიზაციას, რომელიც შეიქმნება, ჰქონდეს  უფლება დაიკავოს სტრატეგიულად მნიშვნელოვანი პოზიციები. სტალინი ამბობს, რომ ეს მისი მოსაზრებებია.

• რუზველტი პასუხობს, რომ 100 პროცენტით ეთანხმება მარშალ სტალინს.

სტალინი აღნიშნავს, რომ ამ შემთხვევაში ყველაფერი გათვალისწინებულია.

• რუზველტი ამბობს, რომ მას შეუძლია იყოს ისეთივე მტკიცე, როგორც მარშალი სტალინი. რაც შეეხება გერმანიას, რა თქმა უნდა, გერმანელებს შეუძლიათ თავიანთი ქარხნები სამხედრო წარმოებაზე გადაიყვანონ, მაგრამ ამ შემთხვევაში საჭირო იქნება სწრაფი მოქმედება და თუ გადამწყვეტი ზომები იქნა მიღებული, გერმანიას არ ექნება საკმარისი დრო შეიარაღებისთვის. ეს არის ის, რასაც ოთხი ერის კომისია, რომელზეც მან, რუზველტმა ისაუბრა, უნდა აკონტროლოს.

სტალინი ამბობს, რომ ახლა გაიმართება მეფე გიორგი VI-ისგან ხმლის ქალაქ სტალინგრადში გადაცემის ცერემონია.

• რუზველტი ამბობს, რომ მან იცის ამის შესახებ. რუზველტი აღნიშნავს, რომ მან და მარშალმა სტალინმა დიდი პროგრესი მიაღწიეს მოლაპარაკებებში.