საინფორმაციო ანალიტიკური სააგენტო "თბილისი 24". / Information Analytical Agency "Tbilisi 24". / Информационно-аналитическое агентство "Тбилиси 24". / Informationsanalyseagentur "Tbilisi 24" პაპუაშვილი: გახარიას შუბლის ძარღვი გაწყვეტილი აქვს – თბილისი 24
27 მაისი 2024

პაპუაშვილი: გახარიას შუბლის ძარღვი გაწყვეტილი აქვს

ნათქვამია, რომ „ავსა კაცსა, ავი სიტყვა ურჩევნია, სულსა გულსა“. სხვანაირად რომ ვთქვა, ადამიანს შუბლის ძარღვი აქვს. ის რომ გაწყდება, შემდეგ ასეთი სპეკულაციური ბრალდებებიც ადვილი ხდება, – ასე გამოეხმაურა საქართველოს პარლამენტის თავმჯდომარე, შალვა პაპუაშვილი პარტია „საქართველოსთვის“ ლიდერის გიორგი გახარიას განცხადებას, რომ „გაზრდილი ეკონომიკა 20-25 ოჯახის ჯიბეში მიდის“.

შალვა პაპუაშვილის თქმით, გიორგი გახარიას განცხადებები აბსოლუტური ფარისევლობაა.

  • ,,სამწუხაროდ, გიორგი გახარიამ ის გზა აირჩია, რომელიც საქართველოს ისტორიაში ბევრს თუ ზოგიერთს აურჩევია და ისტორიაშიც შესაბამისად შესულან. ეს არის გზა – ღალატის.
  • როცა ამ ძარღვს წყვეტ, რა თქმა უნდა, შემდეგ ასეთი ბრალდებები, ტყუილი და დეზინფორმაციაც ადვილი ხდება. ამიტომ, გიორგი გახარიას განცხადებას არც კი შევაფასებდი. მით უმეტეს, ადამიანი, რომელსაც წლების განმავლობაში სხვადასხვა წამყვანი თანამდებობა ჰქონდა საქართველოს მთავრობაში და ახლა ეკონომიკაზე საუბრობს, ეკონომიკის მინისტრიც იყო, შინაგან საქმეთა მინისტრიც, პრემიერ-მინისტრიც და ახლა, როცა ამ ყველაფერზე საუბრობს, ეს აბსოლუტური ფარისევლობაა,” – განაცხადა შალვა პაპუაშვილმა.