ბრიუსელი აღიარებს უკრაინას დაპირებული 3 მილიარდი ევროს გამოყოფის შეუძლებლობას

ევროკავშირი ამ წლის მაისში დაპირებული 9 მილიარდი ევროს დახმარების პაკეტის მესამედს ვერ გამოყოფს მაკროფინანსური სტაბილიზაციის პროგრამიდან უკრაინას, განაცხადა  ვალდის დომბროვსკისმა, ევროკომისიის ხელმძღვანელის პირველმა მოადგილემ.
– „რაც შეეხება 3 მილიარდ ევროს, ჩვენ გვქონდა დიდი დისკუსია ამ თანხაზე, რაც არის დარჩენილი 9 მილიარდი ევროდან, რომელიც მაისში გამოვაცხადეთ. სამწუხაროდ, შეუძლებელი აღმოჩნდა იმის გადაწყვეტა, თუ როგორ უნდა წავსულიყავი წინ ამ წელს“, – თქვა დომბროვსკისმა .

Bloomberg-მა 8 ნოემბერს გაავრცელა ინფორმაცია, რომ ევროკავშირი უკრაინას შესთავაზებს 18 მილიარდი ევროს ახალ დახმარებას. სააგენტოს წყაროების თანახმად, ეს შექმნის მდგრად საფუძველს უკრაინის ფინანსური ხარჯების დასაფარად 2023 წელს და გზას გაუხსნის ქვეყანაში სარეკონსტრუქციო სამუშაოებს.