პატივცემულო ლაშა, 1937 წელთან შედარება არა მხოლოდ უსამართლოა, არამედ საზიანოც!
პატივცემულო ლაშა, შენი ლექსი და მასთან დართული ილუსტრაცია (ეკლესია ჯაჭვებით, მავთულხლართები, სამხედროები, დაკავებული კაცი, შეშინებული ქალი და ბავშვი) აშკარად ცდილობს 1937 წლის სტალინურ რეპრესიებს გააიგივოს დღევანდელ საქართველოსთან. სათაური, „37“-ის გიგანტური რიცხვი და ტექსტი, სადაც პირდაპირ მოიხსენიებენ ბერიასა და სტალინს, ამას არ ტოვებს ეჭვს.
მაგრამ აი, რა უნდა გახსოვდეს:თუ ეს მართლა 1937 წელი იყო, შენი გაზეთი, შენი ლექსი, შენი ფოტო და შენი სახელი უბრალოდ არ იარსებებდა. არც „ასავალ-დასავალი“, არც თავისუფალი გამოცემა, არც საჯარო კრიტიკა მმართველი ხელისუფლების მისამართით. 1937 წელს ასეთი ტექსტის ავტორი უკვე არ იყო ცოცხალი ან, საუკეთესო შემთხვევაში, გულაგში იჯდა. შენ კი თავისუფლად წერ, აქვეყნებ, ავრცელებ და არავინ გიხურავს კარს ღამით. ეს ერთი ფაქტი უკვე ანგრევს მთელ შენს ანალოგიას.
ვის ადარებ სტალინს და ბერიას- ბიძინა ივანიშვილს და „ქართულ ოცნებას“?
სტალინის 1937-ში ასობით ათასი ადამიანი დახვრიტეს ან გადაასახლეს უსასრულო ბრალდებებით, ტერორი იყო სისტემური, მასობრივი და სახელმწიფო პოლიტიკა.
დღევანდელ საქართველოში არსებობს ოპოზიციური ტელევიზიები, გაზეთები, სოციალური ქსელები, საპროტესტო აქციები, საერთაშორისო ორგანიზაციები და, რაც მთავარია, შენი მსგავსი ტექსტები, რომლებიც თავისუფლად ვრცელდება.
თუ ამას „1937“-ს უწოდებ, მაშინ სიტყვებს კარგავენ მნიშვნელობას. რეპრესია, ტერორი, გულაგი – ეს არ არის მეტაფორა ყოველი პოლიტიკური დაპირისპირებისთვის. ისტორიის გამეორებაზე ლაპარაკი მაშინ აქვს აზრი, როცა რეალურად მასობრივი სიკვდილით დასჯები, წამება და ოჯახების განადგურება ხდება. დღეს ასეთი რამ არ ხდება.
შენი ლექსის ქვეტექსტი – „ჩვენ ეს ერთხელ უკვე გამოვიარეთ, თუ შევეგუებით, ისტორია განმეორდება“ – ჟღერს, როგორც ემოციური მანიპულაცია და არა ანალიზი. ისტორია მართლაც გვასწავლის, მაგრამ მხოლოდ მაშინ, როცა მას ზუსტად ვკითხულობთ და არა მაშინ, როცა ყოველ პოლიტიკურ მოწინააღმდეგეს სტალინად ვაქცევთ.
თუ გინდა კრიტიკა, აკრიტიკე კონკრეტული ქმედებები, კანონები, გადაწყვეტილებები. მაგრამ 1937 წლის ტერორის გაიგივება დღევანდელ საქართველოსთან არის არა თავისუფლების დაცვა, არამედ ისტორიის გაუფასურება და სწორედ ამიტომ, რომ 1937 აღარ არის, რადგან შენი „ბუნდღა“ საერთოდ არ იქნებოდა.
გთხოვ, შეწყვიტე ისტორიის გაუფასურება, 1937 წლის შედარება არა მხოლოდ უსამართლოა, არამედ საზიანოც , რადგან რეალურ რეპრესიებს ანგრევს მნიშვნელობას. დღეს შესაძლოა პრობლემები არსებობს, მაგრამ ეს არ არის სტალინის და ბერიას საქართველო, გულაგი და მასობრივი სიკვდილით დასჯა. სწორედ ამიტომ შენი ლექსი იბეჭდება და ვრცელდება.
პატივისცემით: თბილისი 24
