საინფორმაციო ანალიტიკური სააგენტო "თბილისი 24". / Information Analytical Agency "Tbilisi 24". / Информационно-аналитическое агентство "Тбилиси 24". / Informationsanalyseagentur "Tbilisi 24" კალაძე: ეს არის პირდაპირი ჩარევა უცხო ქვეყნის საქმეებში – თბილისი 24
27 მაისი 2024

კალაძე: ეს არის პირდაპირი ჩარევა უცხო ქვეყნის საქმეებში

დედაქალაქის მერის, „ქართული ოცნების“ გენერალური მდივნის, კახა კალაძის განცხადებით, უცხოელი პოლიტიკოსები უხეშად ერევიან საქართველოს შიდა საქმეებში და ხელს უწყობენ ქვეყანაში არსებულ პოლარიზაციას. “საქართველოს ხელისუფლება არავის მისცემს შესაძლებლობას, რომ ქვეყანაში მოაწყოს სახელმწიფო გადატრიალება,”- აცხადებს კალაძე.

  • „სამწუხაროდ, ქვეყანაში არსებულ პოლარიზაციას ხელს უცხოელი პოლიტიკოსები უწყობენ. ამაზე ჩვენ არაერთხელ გვისაუბრია და ამის საუკეთესო მაგალითი იყო გუშინდელი აქცია. უცხოელი პოლიტიკოსები პირდაპირ მივიდნენ და სიტყვით გამოვიდნენ აქციაზე.
  • ეს არის პირდაპირი ჩარევა უცხო ქვეყნის საქმეებში. როგორ წარმოგიდგენიათ თქვენ, რომ ჩვენი ქვეყნის საგარეო საქმეთა მინისტრი ადგეს, ჩავიდეს ერევანში, ან იტალიაში და ოპოზიციის მიერ ორგანიზებულ აქციაში მიიღოს მონაწილეობა?!
  • ეს არის ის ყველაფერი, რაზეც ჩვენ ვსაუბრობთ ბოლო დღეებისა და თვეების განმავლობაში. ეს არის ძალიან კარგი ლუსტრაცია და საუკეთესო მაგალითი იმის, რომ კიდევ ერთხელ საზოგადოება დარწმუნდეს თუ რა პროცესები მიმდინარეობს ქვეყანაში, საიდან იმართება ეს ყველაფერი და ვინ დგას ამის უკან.
  • რადიკალიზმი, ძალადობა, ყოველთვის იქნება წაგებული და, რა თქმა უნდა, ყოველთვის სიკეთე და სინათლე გაიმარჯვებს ბოროტებასა და წარსულზე.
  • არავის მივცემთ იმის შესაძლებლობას, რომ ქვეყანაში მოაწყოს სახელმწიფო გადატრიალება, რევოლუცია და დააპირისპიროს ჩვენი ქვეყნის მოსახლეობა ერთმანეთთან. არავის მივცემთ იმის შესაძლებლობას, რომ ჩვენი ქვეყნის მდგომარეობა გამოიყენოს სათავისოდ და ქვეყანაში შეიქმნას იგივე ვითარება, რაც, ჩვენდა სამწუხაროდ, დღეს ხდება უკრაინაში. ჩვენ ომგამოვლილი ქვეყანა ვართ და არაერთი ომი გვიწარმოებია. ვიცით რამხელა უბედურების მომტანია ეს ყველაფერი“,- განაცხადა კალაძემ.