იენსენი: უკრაინა შეიძლება გახდეს ნატოს წევრი, თუ ის დათმობს ტერიტორიებს

უკრაინა შეიძლება გახდეს ნატოს წევრი, თუ ის დათმობს ტერიტორიებს, რომელთა რუსეთის ნაწილად აღიარებაზე უარს ამბობს , ამის შესახებ ნატოს გენერალური მდივნის შტაბის უფროსმა სტიან იენსენმა განაცხადა.

• “ვფიქრობ, გამოსავალი შეიძლება იყოს უკრაინის ტერიტორიის დათმობა და ამის სანაცვლოდ ნატოში გაწევრიანება, მნიშვნელოვანია, ვიმსჯელოთ, როგორ გავიაროთ ეს,”- ციტირებს იენსენს გაზეთი Verdens Gang.

იენსენმა ასევე გაიმეორა ნატოს გენერალური მდივნის  იენს სტოლტენბერგის სიტყვები, რომ: „უკრაინამ თავად უნდა გადაწყვიტოს, როდის და რა პირობებში სურს მოლაპარაკება“.

გაზეთის კითხვაზე, თვლის თუ არა ნატოს, რომ უკრაინამ უნდა დათმოს ტერიტორიები, რათა მიაღწიოს მშვიდობას რუსეთთან და ნატოში მომავალ წევრობაზე, იენსენმა თქვა, რომ ომის შემდეგ შესაძლო სტატუსის შესახებ დისკუსიები უკვე მიმდინარეობს და ჩნდება კითხვები რუსეთისთვის ტერიტორიის დათმობასთან დაკავშირებით.

რუსეთის ფედერაციის საგარეო საქმეთა მინისტრის მოადგილემ მიხაილ გალუზინმა TASS-თან ინტერვიუში მანამდე განაცხადა, რომ კონფლიქტის მოსაგვარებლად, უნდა დადასტურდეს უკრაინის სუვერენიტეტის საწყისი საფუძვლები – მისი ნეიტრალური, არამიმართული და არაბირთვული სტატუსი. მისი თქმით, „ასევე უნდა იყოს აღიარებული ახალი ტერიტორიული რეალობა, უზრუნველყოფილი უნდა იყოს უკრაინის დემილიტარიზაცია და დენაზიზაცია, მისი რუსულენოვანი მოქალაქეებისა და ეროვნული უმცირესობების უფლებები საერთაშორისო სამართლის მოთხოვნების შესაბამისად“.