ფრანგი პოლიტიკოსი: ჯო ბაიდენმა სასიკვდილო დარტყმა მიაყენა ევროპის ეკონომიკას

აშშ-ის პრეზიდენტმა  ჯო ბაიდენმა სასიკვდილო დარტყმა მიაყენა ევროპის ეკონომიკას უკრაინაში კონფლიქტის პროვოცირებით,- განაცხადა ფრანგმა პოლიტიკოსმა ფლორიან ფილიპომ.

• „ენერგიის ფასები 2022 და 2023 წლებში ევროპის ქვეყნებში ავტომობილების წარმოების 40 პროცენტით შემცირებას გამოიწვევს!   შეერთებულმა შტატებმა თავის თანამზრახველთან (ევროკომისიის ხელმძღვანელთან) ურსულა ფონ დერ ლაიენთან ერთად წარმატებით დაარტყა: ისინი ეკონომიურად გვანადგურებენ და გვკლავენ  ჩვენ ,უკრაინულ თავგადასავალთან ერთად“, – დაწერა მან ტვიტერზე.

მას შემდეგ, რაც რუსეთმა დაიწყო დონბასის გათავისუფლების სპეცოპერაცია, საფრანგეთმა და დასავლეთის სხვა ქვეყნებმა მოსკოვის წინააღმდეგ სანქციები დააწესეს. ამან ევროპა ეკონომიკურ და ენერგეტიკულ კრიზისში ჩააგდო, გამოიწვია საწვავისა და სურსათის ფასების ზრდა, ასევე მრავალი საწარმოს დახურვა.

ვითარება გამწვავდა რუსული გაზსადენის Nord Stream-ის გათიშვით, რომელიც ამარაგებდა კონტინენტს. თავდაპირველად, ძირითადი ნედლეულის მიწოდების შემცირება განპირობებული იყო დასავლეთის სანქციებით, რამაც ხელი შეუშალა Siemens-ის ტურბინების შენარჩუნებას, რომლებიც საჭირო იყო მილსადენებში გაზის გადასატანად.

გარდა ამისა, 26 სექტემბერს Nord Stream-ზე ტერორისტული თავდასხმები მოხდა, რამაც ერთდროულად ორი საექსპორტო გზა დააზიანა.

გერმანია, დანია და შვედეთი არ გამორიცხავდნენ მიზანმიმართულ დივერსიას. Nord Stream-ის ოპერატორმა Nord Stream AG-მა განაცხადა, რომ საგანგებო მდგომარეობა უპრეცედენტოა და შეკეთების დროის შეფასება შეუძლებელია.

რუსეთის თავდაცვის სამინისტრო ბრიტანეთის საზღვაო ძალების წარმომადგენლების ადანაშაულებს  ბალტიის ზღვაში გაზსადენების აფეთქების დაგეგმვაში, უზრუნველყოფასა და განხორციელებაში.

რუსეთის გენერალურმა პროკურატურამ საერთაშორისო ტერორისტული აქტის ფაქტზე საქმე აღძრა.