საინფორმაციო ანალიტიკური სააგენტო "თბილისი 24". / Information Analytical Agency "Tbilisi 24". / Информационно-аналитическое агентство "Тбилиси 24". / Informationsanalyseagentur "Tbilisi 24" თენგიზ ცერცვაძე: სიტუაცია კონტროლირებადია,არცერთი სიკვდილის შემთხვევა არ გვქონია – თბილისი 24
14 ივნისი 2024

თენგიზ ცერცვაძე: სიტუაცია კონტროლირებადია,არცერთი სიკვდილის შემთხვევა არ გვქონია

რესპირაციული ვირუსებით ინფიცირებულის არცერთი სიკვდილის შემთხვევა არ გვქონია. შესაძლებელია, დეკემბერში პიკი იყოს, ერთეული ფატალური შემთხვევა, თუმცა, სიტუაცია კონტროლირებადია,  არავითარ შემთხვევაში არ უნდა გამოიწვიოს ამან პანიკა. სიტუაცია კარგად კონტროლდება, – ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ ჟურნალისტებთან საუბრისას განაცხადა.

  • “კორონავირუსის შემთხვევები ძალიან შემცირებულია. თვეში სულ 200-300 შემთხვევაა. რაც მთავარია, გარდაცვალების შემთხვევები დრამატულად შემცირდა. კოვიდი დღეს არ იქცევს მეტ ყურადღებას, არ იწვევს მეტ პანიკას მოსახლეობაში, გარდაცვალებაც მინიმალურია, ვიდრე სხვა რესპირაციული ვირუსებისას. მოსახლეობა დღეს გრიპით, რინოვირუსებით და რესპირაციულ-სინციტიური ვირუსით უფრო არის შეწუხებული, ვიდრე კოვიდით.
  • თუმცა, მაინც ფხიზლად უნდა ვიყოთ, კოვიდი არსად წასულა. დღეს კლინიკები ძირითადად გადატვირთულია არა კოვიდით, არამედ სხვა რესპირაციული ვირუსებით. არავითარ შემთხვევაში არ უნდა გამოიწვიოს ამან პანიკა. სიტუაცია კარგად კონტროლდება. ვისაც დახმარება სჭირდება, არ რჩება სამედიცინო დახმარების გარეშე,” – განაცხადა ცერცვაძემ.