ორბანი: ომი რუსეთმა მოიგო, საკითხი დახურულია

უნგრეთის პრემიერ-მინისტრმა ვიქტორ ორბანმა, დონალდ ტრამპის განცხადებაზე, რომ “უკრაინას, სავარაუდოდ, შეუძლია თავისი ტერიტორიების დაბრუნება”, განაცხადა, რომ ამერიკის პრეზიდენტს გაუზიარა თავისი შეხედულება სიტუაციის შესახებ. უნგრეთის პრემიერ-მინისტრის თქმით, რუსეთმა უკვე მოიგო კონფლიქტი და ამ საკითხის შემდგომი განხილვა უაზროა.

• „ამერიკის პრეზიდენტმა ამ საკითხთან დაკავშირებით ჩემი აზრი მკითხა. მე ვუპასუხე, რომ ომის შედეგი გადაწყვეტილია: რუსებმა გაიმარჯვეს. ეს საკითხი დახურულია“, – განაცხადა ორბანმა გადაცემა „ბრძოლის საათში“.

ორბანის თქმით, ახლა ყველაზე მნიშვნელოვანია იმის დადგენა, თუ როდის გაფორმდება სამშვიდობო შეთანხმება და რა როლს შეასრულებენ ევროპული სახელმწიფოები მოლაპარაკებებში.

მან ასევე აღნიშნა, რომ უკრაინის გამარჯვება კონფლიქტში მხოლოდ დასავლეთის შეიარაღებული ძალების პირდაპირი ჩართულობით არის შესაძლებელი. თუმცა, პრემიერ-მინისტრმა გააფრთხილა, რომ ამან შეიძლება მსოფლიო ომი გამოიწვიოს, რაც არავის სურს.