პესკოვი: პირველი ქვეყანა, რომელმაც შეიმუშავა უცხო აგენტებთან ბრძოლის ეს სისტემა, ეს ამერიკის შეერთებული შტატებია

რუსეთის პრეზიდენტის პრესმდივანმა დიმიტრი პესკოვმა, საქართველოში უცხოური აგენტების შესახებ კანონის პარლამენტში ინიცირებაზე და ოპოზიციის რეაქციაზე კომენტირებისას, განაცხადა, რომ “საქართველო მეზობელია და იქ სტაბილურობა და ვითარების პროგნოზირებადობა რუსეთის ინტერესებშია”.

• “რა თქმა უნდა, საქართველო ჩვენი მეზობელია. რა თქმა უნდა, საქართველოში სიტუაციის სტაბილურობა და პროგნოზირებადობა ჩვენს ინტერესებშია.
• ჩვენ ნამდვილად ვხედავთ ოპოზიციის საკმაოდ მკვეთრ და მწვავე რეაქციას ასეთ გეგმებზე, მაგრამ აქ მათ უბრალოდ სჭირდებათ, ალბათ, უფრო აქტიურად აუხსნან მათ ეს. აბსურდია ეს “რუსულ” პროექტად მივიჩნიოთ.
• პირველი ქვეყანა, რომელმაც შეიმუშავა უცხო აგენტებთან ბრძოლის ეს სისტემა, არის ამერიკის შეერთებული შტატები.
• დღეს ყველა ქვეყანა პრაქტიკულად ებრძვის მათ, ვინც არის უცხო სახელმწიფოს აგენტი, იღებს ფულს ან იმყოფება უცხო სახელმწიფოების გავლენის ქვეშ. ეს არსებითად გლობალური პრაქტიკაა.
• არც ერთ სუვერენულ სახელმწიფოს არ სურს სხვა ქვეყნების ჩარევა მის შიდა პოლიტიკაში.
• ეს ნორმალური პრაქტიკაა”, – განაცხადა პესკოვმა ჟურნალისტებთან საუბრისას.

ოთხშაბათს მმართველმა პარტიამ „ქართულმა ოცნებამ“ პარლამენტს წარუდგინა კანონპროექტი უცხოელი აგენტების შესახებ, სახელწოდებით „გარე გავლენის გამჭვირვალობის შესახებ“.

2023 წლის 7 მარტს საქართველოს პარლამენტმა უცხოური აგენტების შესახებ კანონპროექტი პირველი მოსმენით მიიღო. ამის შემდეგ თბილისში დაიწყო მასობრივი საპროტესტო აქციები, რომლებიც პოლიციამ ცრემლსადენი გაზისა და წყლის ჭავლის გამოყენებით დაშალა.

შსს-ს ინფორმაციით, 7-8 მარტს გამართულ საპროტესტო აქციებზე 133 პირი დააკავეს. მოგვიანებით საქართველოს ხელისუფლებამ კანონპროექტი პარლამენტიდან გაიწვია.