პროკურატურამ  112-ის მკვლელები და სისხლიან ხალათიანი  ექიმები დააკავა

   2020 – 2023 წლებში რამდენი ასეული საქართველო მოქალაქის, თქვენი დედის, მამის ძმის, დის , შვილის გარაჩენა შეიძლებოდა, რომ არა საკუთარ გამდიდრებაზე დახამებული მკვლელები და მათთან შეკრული  სისხლიანხალათიანი ჯალათები.

  დრო- ხანდახან წუთები, წამები წყვეტს ადამიანის ბედს, არსებობის საკითხს.

საქართველოს პროკურატურის განცხადებით 112-ს გადაუდებელი დახმარების ცენტრის სამი მენეჯერი შეეკრა  ერთ-ერთი სამედიცინო კორპორაციის ორ წარმომადგენელს,  სასწრაფო-სამედიცინო დახმარების ცენტრში შესული მოთხოვნის საფუძველზე, პაციენტთა ელექტრონული მართვის პროგრამაში ხელოვნური ჩარევით, პაციენტების არა უახლოეს სამედიცინო დაწესებულებაში ჰოსპიტალიზაციას, არამედ მათ აღნიშნული სამედიცინო კორპორაციის კლინიკებში გადაყვანას უზრუნველყოფდნენ.

• „აღნიშნული კორუფციული სქემით, 2020 – 2023 წლებში, ხსენებული სამედიცინო კორპორაციიდან საგანგებო სიტუაციების კოორდინაციისა და გადაუდებელი დახმარების ცენტრის ჰოსპიტალიზაციის მენეჯერებს საბანკო ანგარიშზე 500 000 ლარზე მეტი ჩაერიცხათ, რაც ერთმანეთში გადაინაწილეს“, – ნათქვამია  პროკურატურის მიერ გავრცელებულ განცხადებაში.

 ნორმალურ სახელმწიფოში ეს იქნებოდა კვირის მთავარი თემა და  აუცილებლად დადგებოდა შს მინისტრის თუ არა,  მთელი 112-ის ხელმძღვანელობის პასუხისმგებლობის საკითხი.