გილოცავთ წმინდა მოციქულთა პეტრესა და პავლეს ხსენების დღეს!
გულითადად გილოცავთ წმინდა მოციქულთა – პეტრესა და პავლეს დიდებულ დღესასწაულს!
უფლის წმინდა მოციქულები ქრისტიანული სარწმუნოების ურყევი სვეტები, ქრისტეს სიტყვის უშიშარი მქადაგებლები და ეკლესიის ნათელი მნათობები არიან. მათი რწმენა, თავდადება და სიყვარულით აღსავსე მსახურება თითოეული ჩვენგანისთვის რჩება ერთგულებისა და სიმტკიცის მარადიულ მაგალითად.
ამ დღეს სრულდება პეტრე-პავლობის მარხვა, რომლის ხანგრძლივობაც ბრწყინვალე აღდგომის მოძრავი თარიღის მიხედვით განისაზღვრება. შესაბამისად, იგი შეიძლება გაგრძელდეს ყველაზე მეტად ექვსი კვირის, ხოლო ყველაზე ნაკლებად – შვიდი დღის განმავლობაში.
ვუსურვებთ ყველას, წმინდა მოციქულთა ლოცვით, უფლის მადლი, მშვიდობა, ჯანმრთელობა, სიყვარული და კეთილდღეობა. დაე, მათი მაგალითი გვაძლიერებდეს რწმენაში, ერთობაში და კეთილ საქმეებში.
ტროპარი
თავნი მოციქულთანი ვადიდნეთ, მნათობნი ყოვლისა სოფლისანი, პეტრე, კლდე სიმტკიცისა, პავლე, პირი ქრისტესი და მოძღუარი წარმართთა, რაითა ოხითა მათითა მოვიღოთ შენდობაი ცოდვათაი.
კონდაკი
მოციქულთა თავნო და ყოვლისა სოფლისა მოძღუარნო, მაცხოვარსა ყოველთასა ევედრენით, რაითა მოსცეს სოფელსა მშვიდობა და სულთა ჩუენთა დიდი წყალობაი.
კონდაკი
მტკიცენი და ღმრთისმეტყუელნი ქადაგნი და მოწაფეთა შენთანი, უფალო, იზიარენ განსასვენებლსა კეთილთა შენთასა, რამეთუ შრომანი მათნი და სიკუდილნი მიითვალენ უფროის ყოველთა მსვერპლთა და შესაწირავთასა, მხოლოო, რომელმან უწყი დაფარულნი გულთანი.
გილოცავთ ამ მადლიან დღესასწაულს! წმინდა მოციქულთა პეტრესა და პავლეს მეოხებით უფალმა დალოცოს, გაგაძლიეროთ და მშვიდობა, სიყვარული და სიხარული მოგანიჭოთ თქვენ და სრულიად საქართველოს!