ნაცებო, მამუკა მდინარაძისგან განსაკუთრებულ სიურპრიზებს უახლოეს მომავალში ელოდეთ!
ბოლო პერიოდში ზოგიერთი ჟურნალისტი და პოლიტიკური ოპონენტი თითქოს განსაკუთრებული მონდომებით ცდილობს მამუკა მდინარაძის საქმიანობის დაკნინებას. ეძებენ მის კაბინეტს, მის სამუშაო სივრცეს, მის ყოველდღიურ განრიგს, თითქოს სახელმწიფო მოღვაწის მნიშვნელობა კაბინეტის ზომით ან სავარძლის კომფორტით იზომებოდეს. სინამდვილეში კი, იმ ადამიანებს, რომლებიც ქვეყნის სამსახურს საკუთარი ძალებითა და პასუხისმგებლობით ემსახურებიან, ხშირად კაბინეტზე მეტად საქმის კეთება სჭირდებათ.
მამუკა მდინარაძე სწორედ იმ პოლიტიკოსთა რიცხვს მიეკუთვნება, რომელთაც წლების განმავლობაში არაერთი პოლიტიკური შეტევა, ცილისწამება და დეზინფორმაციული კამპანია გადაიტანეს. სოციალური ქსელები სავსეა მისი ბიოგრაფიის დამახინჯებული ვერსიებით, შეთხზული ისტორიებითა და უსაფუძვლო ბრალდებებით. თუმცა, როგორც არაერთხელ მომხდარა, სიცრუე საბოლოოდ საპნის ბუშტივით სკდება და სიმართლე კვლავ თავის გზას პოულობს.
დღეს ხელისუფლების მთავარი ძალა მხოლოდ ინსტიტუტები კი არა, არამედ ის ადამიანები არიან, რომლებიც საკუთარი პოლიტიკური გუნდისა და ქვეყნის მიმართ ერთგულებას ყოველდღიური შრომით ამტკიცებენ.
- სწორედ ასეთი პირებით არის დაკომპლექტებული მმართველი გუნდი და სწორედ ამიტომ ენდო ქვეყნის პოლიტიკური ლიდერი, ქვეყნის მხსნელი- ბიძინა ივანიშვილი მინისტრების- მინისტრობას მამუკა მდინარაძეს ერთ-ერთი ყველაზე საპასუხისმგებლო რგოლი.
განსაკუთრებით აღსანიშნავია მისი მკაცრი და შეურიგებელი დამოკიდებულება ნარკოდანაშაულის მიმართ. წლების განმავლობაში არაერთხელ დაუფიქსირებია პოზიცია, რომ სახელმწიფომ ახალგაზრდების მომავლის დაცვისთვის მაქსიმალურად უნდა გამოიყენოს ყველა სამართლებრივი ბერკეტი. ბევრი მოქალაქისთვის ეს ბრძოლა მხოლოდ პოლიტიკური ლოზუნგი არ არის – ეს არის ბრძოლა თაობების გადასარჩენად, ოჯახების დასაცავად და საზოგადოების გასაჯანსაღებლად.
ქართულ პოლიტიკაში იშვიათია ადამიანი, რომელიც მწვავე დებატების დროსაც კი ფაქტებს არ კარგავს და ნებისმიერ საკითხზე დეტალურად, არგუმენტირებულად და თანმიმდევრულად საუბრობს. ხალხური გამოთქმა რომ გამოვიყენოთ, მამუკა მდინარაძე იმ ადამიანთა კატეგორიას მიეკუთვნება, რომელსაც „არც ქიცი და არც ქიცმაური ეშლება“. სწორედ ამიტომაც არის, რომ მისი პოლიტიკური ოპონენტები ხშირად ემოციებით პასუხობენ, მაშინ როდესაც იგი ფაქტებითა და არგუმენტებით საუბრობს.
ფართო საზოგადოებამ შეიძლება არც კი იცოდეს მრავალი ისტორია იმ ადამიანების შესახებ, რომლებსაც სხვადასხვა ეტაპზე სამართლებრივი თუ ადამიანური მხარდაჭერა აღმოუჩინა. არსებობს არაერთი შემთხვევა, როდესაც უსამართლობის მსხვერპლ ადამიანებს გვერდით დაუდგა, ხოლო გავლენიანი პირები, რომლებიც საკუთარ ძალაუფლებას ბოროტად იყენებდნენ, კანონის წინაშე პასუხისგებისგან ვერ იხსნა ვერავინ.
დღესაც არიან ადამიანები, რომლებიც წლების განმავლობაში საკუთარი გავლენითა და კავშირებით ცდილობდნენ პასუხისმგებლობის თავიდან არიდებას. თუმცა დრო იცვლება. სამართალს თავისი გზა აქვს და ადრე თუ გვიან, ის ყველას კარზე აკაკუნებს. ბევრი მათგანი უკვე გრძნობს, რომ დაუსჯელობის ეპოქა დასრულებისკენ მიდის და წარსულში ჩადენილი ქმედებების გამო პასუხის გაცემა გარდაუვალია.
სწორედ ამიტომ, მათ, ვინც წლების განმავლობაში მამუკა მდინარაძეს დაუფიქრებლად აკრიტიკებდა, დასცინოდა ან მის შესაძლებლობებს სათანადოდ ვერ აფასებდა, შესაძლოა უახლოეს მომავალში არაერთი პოლიტიკური სიურპრიზი ელოდებოდეთ. ქართულ პოლიტიკაში ჯერ კიდევ ბევრი ფურცელია გადასაშლელი და ბევრი მოვლენა — მოსალოდნელი.
- ერთი რამ კი ფაქტია: როდესაც პოლიტიკოსი საკუთარ გზას პრინციპულობით, ერთგულებითა და პასუხისმგებლობით გადის, დრო საბოლოოდ მის ყველაზე ძლიერ მოკავშირედ იქცევა. სწორედ ასეთ ადამიანად მიიჩნევენ მისი მხარდამჭერები მამუკა მდინარაძეს — პოლიტიკოსად, რომლის შესახებაც ბოლო სიტყვა ჯერ კიდევ არ თქმულა.
ერთი ასეთი გავლენიან, ვერ ვუწოდებთ ადამიანს- კაცუნას კარზე დღეს აკაკუნებს სამართალი. არმად ნაშოვნად დარჩება წლების განმავლობაში მოხვეჭილი…
ასე, რომ მდინარაძისგან უახლოეს მომავალში სიურპრიზებს ელოდეთ.
ჟურნალისტი: გოჩა ნაჭყებია